تنصب عليا هاتفيا
قبل بشي جوج سيمانات تقدمت لواحد الخدمة لقيتها في LinkedIn كانت خدمة عادية غير هو كانو كيطلبو فيها لاكارت ناسيونال مع CV.
المهم صيفت ليهم كلشي...
من مور سيمانة عيط ليا واحد وأول حاجة قال ليا باللي هاد المكالمة مسجلة وهادي مقابلة عمل... وكانت كاتبان من هضرتو مثقف إلخ... وكلشي كايبان بحال إلى أنا في مقابلة حقيقية.
المهم سولني على بزاف ديال لحوايج طبيعيين بحال :
فين كنتي خدام - أشنو التخصص ديالك - الخبرة ديالك - شحال كتوقع في الخلصة ديالك إلخ... يعني كلشي تقريبا...
في اللخر ديال المكالمة قال ليا باللي غادي ندوز ثاني لمقابلة ثانية من بعد مع المهندسين وهو فقط من الHR وقال ليا ولكن غير باش نكمل هاد المقابلة غادي يوصلك واحد الكود في تيليفون هو تكملة ديال التسجيل.
وجاني هاد الكود بسميتو يعني بنفس سمية اللي هو حاط في LinkedIn وكان مكتوب في الرسالة "كلمة مرور لمرة واحدة لمواصلة التسجيل هي : 244734" وعطيتو ليه...
من بعد كنكتاشف باللي هادو عصابة وكاياخدو كريدي من واحد موقع شركة التمويل اللي كتعطي للأفراد والشركات بدون ذكر الإسم ديالها...
والمعلومات كاملين اللي كان كيسولني عليهم في المقابلة ومع معلومات اللي في الCV ديالي وحتى لاكارت ناسيونال ستاغلهم في أنهم ياخد داك الكريدي ومع الكود اللي عطيتهم في اللخر اللي وصلني للهاتف كان للتوثيق ودار ليا أكبر شمس العشية.
من بعد فاش دويت مع ديك الشركة اللي خداو من عندها الكريدي وقلت ليهم أش وقع وأنا ماخديت حتاشي كريدي من عندهم قالو ليا بما أنك أنت عطيتي الرقم فراه أنت اللي غادي تحمل المسؤولية ديالك وغادي يخسك تخلصنا من بعد.
القانون لا يحمي المغفلين 🤷
====
طرق الاحتيال صعب الإحصاء ديالها، ولكن نقدرو أننا نحميو راسنا منها عن طريق نكونو واعيين وحاضيين راسنا ونحاولو مانعطيوش أي معلومات حساسة خاصة بينا لأي جهة كيفما كانت :
▪ معمرك تصيفط لاكارت ديالك لشي واحد.
▪ معمرك تعطي معلومات أكثر عليك في مكالمة أو لشي واحد.
▪ معمرك تعطي شي كود وصلك للهاتف لشي واحد.
====
نتمنى تستافدو من البوسط هادشي اللي وقع فيه ماوقعش ليا فقط درجتو باش يسهال في الفهم ✌
من مور سيمانة عيط ليا واحد وأول حاجة قال ليا باللي هاد المكالمة مسجلة وهادي مقابلة عمل... وكانت كاتبان من هضرتو مثقف إلخ... وكلشي كايبان بحال إلى أنا في مقابلة حقيقية.
المهم سولني على بزاف ديال لحوايج طبيعيين بحال :
فين كنتي خدام - أشنو التخصص ديالك - الخبرة ديالك - شحال كتوقع في الخلصة ديالك إلخ... يعني كلشي تقريبا...
في اللخر ديال المكالمة قال ليا باللي غادي ندوز ثاني لمقابلة ثانية من بعد مع المهندسين وهو فقط من الHR وقال ليا ولكن غير باش نكمل هاد المقابلة غادي يوصلك واحد الكود في تيليفون هو تكملة ديال التسجيل.
وجاني هاد الكود بسميتو يعني بنفس سمية اللي هو حاط في LinkedIn وكان مكتوب في الرسالة "كلمة مرور لمرة واحدة لمواصلة التسجيل هي : 244734" وعطيتو ليه...
من بعد كنكتاشف باللي هادو عصابة وكاياخدو كريدي من واحد موقع شركة التمويل اللي كتعطي للأفراد والشركات بدون ذكر الإسم ديالها...
والمعلومات كاملين اللي كان كيسولني عليهم في المقابلة ومع معلومات اللي في الCV ديالي وحتى لاكارت ناسيونال ستاغلهم في أنهم ياخد داك الكريدي ومع الكود اللي عطيتهم في اللخر اللي وصلني للهاتف كان للتوثيق ودار ليا أكبر شمس العشية.
من بعد فاش دويت مع ديك الشركة اللي خداو من عندها الكريدي وقلت ليهم أش وقع وأنا ماخديت حتاشي كريدي من عندهم قالو ليا بما أنك أنت عطيتي الرقم فراه أنت اللي غادي تحمل المسؤولية ديالك وغادي يخسك تخلصنا من بعد.
القانون لا يحمي المغفلين 🤷
====
طرق الاحتيال صعب الإحصاء ديالها، ولكن نقدرو أننا نحميو راسنا منها عن طريق نكونو واعيين وحاضيين راسنا ونحاولو مانعطيوش أي معلومات حساسة خاصة بينا لأي جهة كيفما كانت :
▪ معمرك تصيفط لاكارت ديالك لشي واحد.
▪ معمرك تعطي معلومات أكثر عليك في مكالمة أو لشي واحد.
▪ معمرك تعطي شي كود وصلك للهاتف لشي واحد.
====
نتمنى تستافدو من البوسط هادشي اللي وقع فيه ماوقعش ليا فقط درجتو باش يسهال في الفهم ✌