اهم الشهادات في مجال الامن السيبراني

نتعرفو على اهم الشهادات في مجال الامن السيبراني والامن المعلوماتي وهي مطلوبة وكتعبر من اكثر الشهادات دخلا لي قدر يحصل عليها وهادشي ماشي كلام فارغ وانما هي فعلا شهاداة احترافية وكتستحق هي وبعض الشهادات الاخرى لي مزال اندويو عليها وهي شهادة CISM .

شنو هي شهادة CISM ؟

شهادة CISM هي من الشهادات المتقدمة في مجال الامن السيبراني والامن المعلوماتي ولي حصل على هاد الشهادة كيكون مختص في تطوير الاستراتجية الامنية للحكومات والشركات والمنضمات ولي كيقدم هاد الشهادة هي رابطة ISACA المشهورة لي كتواجد في USA وتاسست سنة 1968 وهاد الرابطة هي لي كتقدم اشهر الشهاداة المرموقة والمطلوبة في مجال الامن السيبراني بحال CISA و CRISC  و COBIT لي مجال اندويو عليهم ان شاء الله .

وكتعتبر شهادة CISM هم اهم الشهادات في هاد المجال وكتستحق انك تحاول تاخد هاد الشهادة لانه فعلا مطلوبة وعلى تقرير نشراتو مجلة Global Knowlodge فسنة 2020 فصنفات شهادة CISM في المركز الثالث في قائمة اعلى 15 شهادة في المجال التقني في USA والاولى على مستوى الامن السيبراني والامن المعلوماتي وكتحتل المركز الثالث في شهادات الامن السيبراني في اوروبا وافريقيا  والرابع في الشرق الاوسط حسب التقرير نفسه , ولكن التكاليف للحصول على الشهادة عالية شوية فكتحتاج ما يقارب ل 500$ تال 800$ تقريبا للاختبار و بواقع 20 ساعة تدريبية سنويا ومجموع 120 ساعة ساعة خاصك تحققها في ثلاث سنوات .

والشروط باش تحصل على الشهادة , خاصك دوز في الاختبار بنجاح وكتحتاج خبرة 5 سنوات في 3 مجالات من 4 مجالات لي كتكون في الاختبار و خبرة سنتين الى عندك الماستر في مجال الامن السيبراني , وبعض الشروط الاخرى الثانوية لي كتغير باستمرار .

من اكثر الشهادات القريبة لشهادة CISM هي شهادة CISSP فالفرق بينهم ان كلا الشهادتين كيهتمو بالجانب التقني والاداري ولكن شهادة CISM بالجانب الاستراتيجي و الاداري بينما الشهادة الاخرى كتهتم بالجانب التقني اكثر وهما شهادات كيكملو بعضهم البعض والى خديتهم ب 2 غطور بيهم البروفايل ديالك في المجال .

اما بالنسبة لمحتوى الشهادة فكينقسم ل 4 مجالات وهما 

اولا Information Security Governance  

وهاد المجال كيشكل 24% من الاسئلة لي كتطرح في الاختبار ديال الشهادة 

ثانيا Information Risk Management and Compliance 

وهاد المجال هو اكثر مجال كتطرح في الاسئلة في الاختبار بحيت ثلث الاسئلة لي في الاختبار كتكون فهاد المجال .

ثالثا Information Security Program Development and Management 

كيتعتبر هاذا المجال الثاني من حيت عدد الاسئلة في الاختبار بحيت ربع الاسئلة كتكون من هاد المجال .

رابعا .Information Security Incident Management

وهو اقل مجال كيتطرحو في الاسئلة في الاختبار بمجموع 15% 

اما بالنسبة للاختبار فكيكون مجموع الاسئلة فيه هو 150 سؤال ومدة الاختبار هي 4 ساعات , اما طريقة باش كتطرح الاسئلة فغنحاول نخلي ليكم الصور في التعليقات لانه اذا كتبناها هنا غيكون بوسط طويل وممل .

خلاصة 

شهادة CISM هي شهادة زوينة واحترافية وتستاهل تضحي الغالي والنفيس باش تحصل عليها لانه فعليا غطور البروفيل ديالك في مجال الامن السيبراني وراه كاينيني بزااف دالناس لي حصلو عليها عرب واجانب تقدر تسولهم على اي حاجة متعلق باشهادة وانشاء الله نحصل عليها .