keylogger

 كيلوجر هو واحد البرنامج لكتتبع اي حاجة  كتكتبها فلوحة المفاتيح لتقدر تكون ارقام هواتف باسوورد ارقام بطاقات بنكية ... وكتكمن الخطورة نتاعو ان فيه واحد الخاصية سميتها روت كيتrootkit  لي كتمكون يكون خفي فالنظام ويكون صعيب الاكتشاف نتاعو ولكن هادشي مكيعنيش انه ميمكنش تعرف واش الجهاز مصاب بيه ولا اول حاجة كترد ليها البال هو الى كان جهاز كيتعطل فالكتابة يعني كتكتب شي حاجة وكتبقا شي ثواني عاد كتبان هنا يمكن يكون الجهاز ديالك مصاب، و كاين واحد البرنامج سميتو malwarebytes anti-rootkit بالنسبة لويندوز وواحد سميتو chkrootkit لماك كيعاونوك تعرف واش الجهاز ديالك مصاب بيه

=> ندوزو دابا لكفاش يمكن يتصاب الجهاز نتاعك بkeylogger 

ايلا وصلك شي ملف فشي ايميل وحلتيه 

ايلا زرتي شي موقع مصاب يمكن يتحمل بشكل تلقائي

يمكن يتثبت بواسطة برنامج ضار فالجهاز 

كاين واحد القطعة كتركب بين lkeyboard و motherboard حتا هي كتسرق البيانات نتاعك داكشي علاش منين تمشي لشي سيبير قلب port لي مركب فيه لكيبورد 

يمكن يتثبث الى ترمى ملف من open access directory في شبكة p2p،

لمكيعرفش p2p هو واحد البرتكول كيتستعمل لمشاركة البيانات والملفات في الشبكة.

=> كفاش كيخدم keylogger؟

منين كتدخل لشي موقع وكتدخل البيانات نتاعك كيلطقتها كيلوجر وكيحطها وملف واما كيسيفطو لشي موقع ولا شي سرفر واما غادي يحتفظ بيها ويخزنها ف hard disk ومن بعد غادي يدير ليها اعدة التوجيه لمالك نتاعو .

=> واخيرا كفاش تحمي راسك من keylogger:

استعمل firewall غادي يعاونك ولكن ماشي تعتامد عليه بشكل كلي 

بدل باسروود نتاع بشكل مستمر مقدرتيش تبقا عاقل على بزاف نتاع باسوورد ستعمل passwords manager هاد كيحتفظ بجميع كلمات السر نتاعك باش متبقاش تدخلهم

دير تحديث للنظام او اي برنامج هادي اهم حاجة حيث كيكون فيهم تغراث.

سمحوا ليا على الاسلوب ما موالفش نكتب، ونتمنى تكونوا فهمتو.