الدباب الالكتروني

 الدباب الالكتروني كاين عند اي دولة الهدف ديالوا تضليل الناس عن الحقيقة

 ا باش نفهمك مزيان لكان تفرج ففيلم المنشق  the dissident لدوا على موت الصحفي خاشقجي حيث بين ان الدباب هو مجموعة من الناس لكيكونو خدامين لصالح الدولة و كل واحد على الاقل كيكون عندو شي 5 د الحسابات على كل موقع تواصل اجتماعي و لبين انهم كانوا مناصرين للدولة السعودية ا كيكدبوه  

غا تقولي اوى اش جاب لجاب اسيدي راه تا اس___رائيل دبا خداما بنفس المنهج باش انها تبين للناس ان هي لصحيحة و فلسطين هي لظالمة دبا فهمنا شنو هو الدباب اجي نشوفو التاثير الحقيقي ديالو ا غا نجي المغرب الحبيب ا غا ناخد الدباب هو الناس لمتبعا التفاهة حيث هما براسهم دباب فقما كيكون الشعب ولا كيوعى كيبانوا زوج تافهين ولا اي واحد ولا مجموعه كيديرو شي حاجة لكتجبد التافهين هنا كنتقسموا لزوج ناس باغا التفاهة و ناس لا و كما جرت العادة لكفة كتمشي للحاجة الساهلة هنا كلشي كينسا تا علاش كان كيناضل ولا شنو المشاكل لكيعاني منها داخل الوطن هكا هاد المثال طبقوا على الدباب الكتروني غا تبقا كل نهار تشوف العدد ديال المناضلين كينقسوا... الخ 

(كنتمنى تكونوا فهمتوا ) 

دبا شنو هو الحل نرجعوا الوثائقي the dissident و لفكر فيه عمر و جمال اقادوا مجموعة د الناس لسماوهم بالنحل الالكتروني و كان الدور ديالو هو شن حرب الكترونيه على الدباب الالكتروني و كان غلب بحيث ولا بكل بوسط كيدير #what do you Know about the bees هنا العالم كامل عرف حقيقة السعوديه ... 

لهذا عزيزي المواطن متستهزا بتا شي # تطلق راه تقدر توصل لفكرة لابعد مدى غا بسباب واحد خونا دار واحد الهاشتاج