Marcella Flores Case

هادشي اللي غادي تقرا في البوسط غادي يخليك تولي تشك في الناس وخصوصا اللي في مواقع التواصل الإجتماعي وخصوصا المشاهير اللي مكايبانوش "مكاندويش عليا ههههه"

المهم اللي واقع أنه مؤخرا باحثين أمنيين في Proofpoint خرجو واحد تقرير اللي كيدوي على واحد مدربة ديال الأيروبكس اللي سميتها Marcella Flores من ليڤربول، إنجلترا.

هاد المدربة كانت كتقدم واحد المحتوى على الرياضة والصحة وسبحان الله كانت كتعاون مع كلشي ههههه 😂😂😂

المهم هاد المدربة في الأخير طلعات فقط شخصية وهمية واللي داروها واحد المجموعة APT Hackers واللي كيتسماو TA456 أو Tortoiseshell اللي تابعين للحرس الثوري الإيراني.

طبعا دابا غادي تسائل أش غادي يدير أصلا هاد الحرس الثوري بحساب وحدة ديال الفيتنس 🤔 غادي يهجمو مثلا على لاصالات مثلا ههههه 😂😂😂

امممممم لا هههههه خليني نقول ليك باللي الموضوع أكثر إبداع من هادشي 😂😂

اللي معروف في مواقع التواصل الإجتماعية أنه فاش لواحد كايشوف شي واحد حاط شي بوسط باللي طلع فورمة ناضية أو حيد الشحمة ونشف في 3 أشهر إلخ... كيدخلو الناس يسولوه كيفاش دار ليها إلخ... وفديك الساعة كيعطيه النظام اللي مشى عليه.

إوا هادشي اللي دارتو هاد Marcella وتخيل معايا أنه من الناس اللي تواصلو معاها كانو موظفين في أنظمة الفضاء والدفاع وDefense Contractors وشي وحدين منهم ثاني خدامين في منشئات حساسة ⚠

وماشي غير هادشي وصافي ههه

هاد مارسيلا بنات معاهم علاقة مزيانة وكانت كتتواصل معاهم باش تبتهم.

وهنا في كايجي أهم جزء وهو فاش مارسيلا كتصيفط ليهم النظام اللي متبعاه في ملف Excel وفيه واحد الMacro.

للناس اللي مفاهماش تقدر تقول أنه حاطين واحد المالوير اللي سميتو LEMPO والدور ديالو كان أنه كيثبت راسو في جهاز الضحية ومن بعد كيجمع البيانات الحساسة وكايصيفطها للهاكرز...

الكارثة اللي كتاشفوها من بعد أنه كانو شي موظفين اللي خدامين في جهات حساسة كانو كايتبادلو داك الملف بيناتهم...

طبعا هاد الحساب ماشي جديد وكان تقريبا من سنة 2018 والهاكرز حاضين راسهم أنهم ميثمش الكشف ديالهم وكانو عوامل اللي خلات تجدب الناس والشركات  واللي هما تصاور مارسيلا والمحتوى ديالها...

وحسب التقارير اللي خرجو أنه هاد الفريق ديال الهاكرز حققو نجاح كبير في تحقيق الهدف ديالهم والوصول لمعلومات حساسة.